María da Pontragha é narradora oral, tocadora e cantadora do país (Bouba, Sacha na Horta, Lévedo…), e recolledora de saberes e historias.
A palabra falada e cantada nunha manchea: memoria, etnografía, música e, sobre todo emocións. Todo ben axitado e con ritmo e cheiro a terra.
Bleuenn Le Friec é unha arpista bretoa, galega de adopción. Formada en arpa celta e clásica, é con este instrumento que desenvolve hoxe a súa vida musical tanto no ámbito clásico (Real Filharmonía de Galicia, Orquestra del Gran Teatre del Liceu…) como na música de raíz galega (Zumaque, Uxía, Xoán Curiel…).